Aerlanda's Blog

EKAINAK 14

aerlanda — Fri, 02 Jul 2010 07:34:17 +0000

Uda sasoian sartzen ari gara eta badatoz gereziak. Guk ere eraman ditugu pare bat etxera. Fieltroaz borobil bat moztu, barruan artilea sartu, dena josi, buztantxoa jarri eta begiratu zelako politak.

EKAINAK 7

aerlanda — Fri, 11 Jun 2010 09:16:26 +0000

Udaberria laster joango da udari lekua egiteko, eta makina bat lore utziko dizkigu bazterretan. Guk ere lore eder bana egin dugu, gure gela edo nahi duguna apaintzeko. Fieltroaz baliatuz, lehenengo zurtoina josi dugu eta gero petalo koloretsuak. Begira zelako politak!

MAIATZAK 31

aerlanda — Fri, 04 Jun 2010 11:06:35 +0000

Uda sasoian sartzera goaz eta laster etorriko dira erleak. Guk artilezko erletxoak egiteko aprobetxatu dugu.

Banan-banan banaka

binan-binan binaka

erletxoak hegaka

firu-firu-firu

firu-firufa

UDAKO KORROA, ATZAMAR JOLASAK, KANTAK ETA OLERKIA

aerlanda — Sun, 30 May 2010 11:13:49 +0000

UDAKO KORROA

UDAKO ATZAMAR JOLASAK

UDAKO KANTAK

UDAKO OLERKIA

MAIATZAK 24

aerlanda — Sat, 29 May 2010 09:05:19 +0000

Pentekoste eguna ospatu dugu gaur, uso zuriaren etorrera, alegia. Gure umeak zuriz jantzita etorri dira lore zuriren batekin, eta ospakizun berezia egin dugu: eskuak garbitu usaindun uretan, bakoitzak bere kandela piztu, 13 printzeen ipuina entzun eta Omarren amak ekarritako bizkotxo goxoa jan. Gero pasiua egin dugu eta etxera joan baino lehen bakoitzak bere usotxoa hartu du, etxera eramateko.

Txoritxo zurixe

dator hegazien

argixe ekarten umetxuai

MAIATZAK 17

aerlanda — Sat, 29 May 2010 08:56:20 +0000

Gaur aspaldiko partez akuarelekin jolastu nahi izan dugu. Oso lan politak egin dituzte, ikusi bestela.

MAIATZAK 10

aerlanda — Mon, 10 May 2010 20:37:11 +0000

Tximeleta mendian lore baten gainean… Udaberrian makina bat tximeleta ikusten ditugu zelaietan lorerik lore, eta gure begiek poztasunez jarraitzen diete. Begira guk zelako tximeleta politak egin ditugun fieltroaz!

MAIATZAK 3

aerlanda — Thu, 06 May 2010 22:11:10 +0000

Bete-betean gaude sartuta udaberrian eta zer hobeto udaberriko maitagarri batzuk egitea baino! Zetazko paper zatitxo batekin eta bururako artile apur batekin oso gauza polita egin daiteke.

APIRILAK 26

aerlanda — Sun, 02 May 2010 11:05:30 +0000

Gaur pentekostes egunerako prestatzen hasi gara. Arrautzen ordez txoritxo zuriak egin eta esegi ditugu eta gero bakoitzak etxera eraman du bere arrautza. Oso erraz egiten dira txoritxoak: kartulina zuri batean irudia errepasatu eta moztu, beste kartulina zati batean hegoak moztu eta tolostu eta gero biak elkartu ondoren, esegi.

Bukaeran 3 naranjen ipuina entzun dugu.

APIRILAK 12

aerlanda — Sun, 02 May 2010 10:42:33 +0000

Sasoi honetan mokotsa edo karapaixua egiteko ohitura dago inguru honetan. Barruan arrautza eta txorizoa dituen ogi berezi bat da eta ama pontekoak bere besoetakoari oparitzen dio. Guk eskolan bakoitzak berea egitea erabaki dugu. Nola? Lehenengo ogiaren orea prestatu dugu, irina, gatza, hazkarria eta ura ondo nahastuz, gero lotan utzi dugu ordubete pasatxoan eta bukatzeko bakoitzak zati bat hartu eta forma eman dio, barruan txorizo zati bat eta arrautza bat sartuz. Bai opil politak! Ikusi bestela emaitza.